خلص البيع
احنا كنا اتنين صحاب في شركة في الوجه القبلي. هو كان شغال في قسم المبيعات وانا شغال في قسم الحركات. وبعدين انا مكملتش في الشغلانة دي ودورت على شغلانة تانية عشان مكانتش جايبة همها. كنت باخد الف وربعميت لحلوح ساعتها. ماتتخضوش اوي كده ما انا كنت بدفع ضرايب وتامينات وتطمينات والذي منه. وبرضه اخوكو جامد يا اخوانا في ايده صانعة.
المهم صاحبي بقه مسك في الشغلانة بتاعته وربنا سهلهاله وبقى مدير مبيعات بيبيع الحاجات وبياخد كوميشن وماشية معاه. وانا خلعت سريع سريع وقمت ناطط على بلد من اياهم. تدور الايام وتلف وتعدي سبع سنين بالتمام والكمال وبعدين وانا قاعد كده ساعة عصاري الاقي رسالة جيالي على الموبايل عارفين منين؟ من صاحبي بتاع زمان كاتب فيها بعد التحيات والتسليمات ان انا ادورله على شغل في البلد اللى انا فيها اصل الحياة في البلد اللى هو فيها بقت زي الزفت ومافيش حاجة فيها يقعد عشانها. مش كده وبس ده طالب ادورله على شغل بحيث يجيب مراته وعياله كمان معاه عايز يخلع تماما زي ما انا عملت.
المهم انا بعد الرسالة دي بلمت شوية وقعدت افكر واستنتج واحلل اللى بيحصل واقول للدرجة دي واحد شغال في وظيفة محترمة وعنده مؤهل عالى وخبرة كبيرة زي دي يوصل بيه الحال للدرجة دي اومال اللى معندهوش المميزات دي يعمل ايه؟
وبعد تفكير عميق قدرت استنتج اللى حصل عارفين ايه؟
نتيجة انه كان شغال في قسم المبيعات فباع زيادة عن اللزوم والعملية فرطت من ايده وباع كل حاجة لدرجة ان مافيش حاجة فضلت عشان يبعها
وهكذا خلص البيع!!!!!!!!
احنا كنا اتنين صحاب في شركة في الوجه القبلي. هو كان شغال في قسم المبيعات وانا شغال في قسم الحركات. وبعدين انا مكملتش في الشغلانة دي ودورت على شغلانة تانية عشان مكانتش جايبة همها. كنت باخد الف وربعميت لحلوح ساعتها. ماتتخضوش اوي كده ما انا كنت بدفع ضرايب وتامينات وتطمينات والذي منه. وبرضه اخوكو جامد يا اخوانا في ايده صانعة.
المهم صاحبي بقه مسك في الشغلانة بتاعته وربنا سهلهاله وبقى مدير مبيعات بيبيع الحاجات وبياخد كوميشن وماشية معاه. وانا خلعت سريع سريع وقمت ناطط على بلد من اياهم. تدور الايام وتلف وتعدي سبع سنين بالتمام والكمال وبعدين وانا قاعد كده ساعة عصاري الاقي رسالة جيالي على الموبايل عارفين منين؟ من صاحبي بتاع زمان كاتب فيها بعد التحيات والتسليمات ان انا ادورله على شغل في البلد اللى انا فيها اصل الحياة في البلد اللى هو فيها بقت زي الزفت ومافيش حاجة فيها يقعد عشانها. مش كده وبس ده طالب ادورله على شغل بحيث يجيب مراته وعياله كمان معاه عايز يخلع تماما زي ما انا عملت.
المهم انا بعد الرسالة دي بلمت شوية وقعدت افكر واستنتج واحلل اللى بيحصل واقول للدرجة دي واحد شغال في وظيفة محترمة وعنده مؤهل عالى وخبرة كبيرة زي دي يوصل بيه الحال للدرجة دي اومال اللى معندهوش المميزات دي يعمل ايه؟
وبعد تفكير عميق قدرت استنتج اللى حصل عارفين ايه؟
نتيجة انه كان شغال في قسم المبيعات فباع زيادة عن اللزوم والعملية فرطت من ايده وباع كل حاجة لدرجة ان مافيش حاجة فضلت عشان يبعها
وهكذا خلص البيع!!!!!!!!
0 التعليقات:
إرسال تعليق