الدجاجيون

الدجاجيون هم البشرية التي تدخل امامك في اي صف انت واقف فيه.
- وهم ايضا من يخرجون بعد صلاة الجمعة ويهرولون لشرلء جريدة الاهرام.
- وهم كل من حمل موبايل بكاميرا ومافيش في جيبه جنيه.
- وهم كل من ارسل رنه من موبايله الى اصدقائه.

نورت مصر

من الساعة 8 الصبح الى الساعة 5 العصر خالد ومحمد عندهم شغل ومش فاضين
ومن 6-8 بالليل عمرو وسالم نايمين شوية بعد الغدا
ومن 9-12 بالليل فؤاد وصالح بيلعبوا بولة استيميشن في شقة 6 اكتوبر.
ومن 1-3 الفجر زكريا ومتولي قاعدين على قهوة خبيني بيشدوا حجر معسل.
ومن 4-6 الصبح عباس وجعفر بيسرقوا محل حنا الجواهرجي.
ومن 7-8 الصبح سعيد ابو شفة بياخد علقة محترمة في قسم السيدة زينب.
نورت مصر

الدجاجيون

الجماعة الدجاجيون دول جماعة تحفة مالهمش حل تلاقيهم ساعات راكبين الاتوبيسات ومرة تلاقيهم راكبين الميكروباص ومرة تلاقيهم على الكورنيش ومرة تلاقيهم واقفين في البلكونات وساعات في القطار وساعات تانية في البحر وساعات بيصيفوا ومرة بيشتوا وممكن تلاقيهم بيطلعوا في التليفزيون وساعات بيقفوا وراء الكاميرات اثناء تصوير الحركات وممكن تلاقيهم بيشتروا الطرشي في رمضان ويسلام بقى وهما بيشتروا السوبيا والخرنوب ولو نفسك تشوفهم دلوقت انزل على القهوة اللى تحت بيتكوا او في السيبر اللى على اول الشارع ولا اقولك بص على برامج الفضائية او تحت النملية او جوة الحي ربنا يخلي عبد الحي. اخطف رجليك لبتاع الفول حتلاقي بينهم واحد مسطول لسه شادد نفس حشيش اصله كان معاه الواد درويش . ياترى انت مين فيهم ؟؟؟؟؟

الجوزواني

هل تعرف معنى الجوزواني؟
الجوزواني ده هو كل واحد مشي في المسار التالي.....
المدرسة.....الكلية.....الجيش.....الشغل.......الخطوبة......الجواز......العيال.......القهوة او الانترنت.

للأمركة درجات

ان درجات الامركة تتفاوت من اللون الاحمر القاني الى اللون البنفسجي زي اللوان الطيف بالضبط
- اول اللون انك تكون امريكاني صرف من ابوين امريكيين وده اللون الاحمر القاني.
- اللون التاني بقه انك تكون امريكاني برضه بس واحد من ابويك ربنا يخليهملك امريكاني والتاني جنسية تانية وده اللون البرتقالي.
- اللون التالت انك تكون امريكاني برضه بس واخدها بعد عناء وشقاء وابويك مالهومش دعوة بامريكا خالص بس سيادتك سافرت هناك وبلطت واخذت الجنسية(حلال عليك ياعم) وده بقى اللون الاصفر.
- اللون اللى بعده بقى لون غامق شوية بس ماتقلقش. سيادتك عديت واخذت الفيزا طازة وده اللون الازرق.
- اللون الاخير بقى ده للجماعة اللى واقفين طوابير قدام السفارة الامريكاني مستنيين يقابلوا سعادة القنصل صاحب الطلعة البهية اللى حيديهم رفض وده بقى اللون البنفسجي.

للأمركة درجات

ان درجات الامركة تتفاوت من اللون الاحمر القاني الى اللون البنفسجي زي اللوان الطيف بالضبط.
- أول لون انك تكون امريكاني صرف من ابوين امريكيين وده اللون الاحمر القاني.
- اللون التاني بقه انك تكون امريكاني برضه بس واحد من ابويك -ربنا يخليهملك- امريكاني والتاني من جنسية تانية وده اللون البرتقالي.
- اللون التالت انك تكون امريكاني برضه بس واخدها بعد عناء وابويك مالهمش دعوة بامريكا خالص بس سيادتك سافرت هناك وبلطت واخدت الجنسية (ربنا يسهلهالك يامعلم) وده بقى اللون الاصفر.
- اللون اللى بعده بقى غامق حبتين بس ماتقلقش سيادتك عديت واخدت الفيزا طازة وده اللون الازرق.
- اللون الاخير بقى ده للجماعة اللى واقفين طوابير قدام السفارة الامريكاني مستنيين يقابلوا سعادة القنصل صاحب الطلعة البهية اللى حيديهم رفض وده بقى اللون البنفسجي عافانا الله وشفانا منه.

الامريكان ميعرفوش يكدبوا

الامريكان مايعرفوش يكدبوا

الان وياما الان في حاضر العصر والاوان واحد امريكاني شغال خبير في دولة عربية. يروح ويجي على بلده وياخد بدلات ومرتبات مايحلمش بيها اي واحد من اهل البلد. المهم ان الشغل ماشي وعال العال. وفي يوم من الايام وقع واحد غلبان من اهل البلد رجله انكسرت وكان ساعتها في الشغل. نقلوه المستشفى وجبسوله رجليه وروحوه بيتهم عشان يرتاح. اووم ايه الغلبان طلب اجازة مرضية قالوله مش حينفع لازم تجيب لنا شهادة من المستشفى وتقرير يقول ان رجلك مكسورة ومحتاج اجازة هي دي القوانين. الراجل استعجب وقال لهم اشحال لو ماكنتش واقع قدامكم وشفتوني كنتم عملتم ايه. قالوله ماتلتش كتير وهات لنا اللي احنا طلبناه احسن نفصلك ونقول انك بتتمارض. الراجل الغلبان عملهم كل اللي عايزينه وحط قبقاب في بقه وسكت. تمر الايام ويسافر الراجل الخبير الى ام الدنيا امريكا.وفي يوم من الايام بعت الخبير رسالة بيقوا انه مش هايجي في الميعاد يستلم الشغل عشان رجله انكسرت واحتمال يقعد شهرين في الجبس. اووم ايه الادارة زعلت جدا وقالت له قلوبنا معاك ياريس ونزلت منشور فيه الايميل بتاعه عشان الناس تواسيه وتدعيله بالشفاء العاجل وارسلت له مرتب الشهر كامل والشهر اللي بعده كمان. ضحك الغلبان وقال عجبي عليك يازمان حوجتني للخونة واللي مالهومش امان انا اطلع فوق جبل عالي تكلني الحدا والغربان ولا يقولوش ان الغلبان حيفضل على طول غلبان.

أغاني

كتير بنعشق ولا بنطول وكتير بنعشق ولا بنقول
ومافيش حكاية بتستمر زي مابدأت ليه على طول
القلب اللى بيجرحنا فيه حاجة اكيد جرحاه
وجراحنا بتفكرنا بالقلب اللى جرحناه

www.salmiya.net
أروع وأسهل موقع أغاني لجميع المطربين في الوطن العربي