مسرحية شيكا بيكا
العمدة : ياواد ياحسانين افتحلنا التلفزيون يالا نشوف اخبار الدنيا ايه انهاردة.
حسانين: اوامرك يابا العمدة.
المذيع: يباصيها حنكورة توصل لشنكورة ، شنكورة يديها لسنكورة ، سنكوره يرفعها توصل لشيكابيكا.
العمدة: عارف ياواد ياحسانين انهم بيقولوا ان الواد شيكابيكا ده جامد اوي في الكورة وانه بيجيب جوان زي الفل.
حسانين: شيكابيكا مين يابا العمدة؟
العمدة : يخربيتك يالا انت ماتعرفش شيكا بيكا ، ده مافيش حد في البلد حدانا هنا مايعرفوش،هوا انت مش بتتفرج على الكورة ولا ايه يالا؟
حسانين: وحشوفها فين يابا العمدة، مافيش حدانا تلفزيون ولا البتاع ده اللي بيقولوا عليه التش.
العمدة: اسمه دش ياهبل مش تش.
حسانين: وانا مالي يابا العمدة انا يادوبك بشوف الناس قاعدة على القهوة اللي فتحوها جديد حدا دوار عيلة ابو سعيدة.
العمدة: ايه حكاية القهوة دي ياولا؟ الناس ياخويا سابوا اشغالهم وراحوا ال ايه يتفرجوا على الغناوي والكورة . والمصارعة الحرة
حسانين: ماهو مافيش حاجة تانية يعملوها ، الارض وبارت والزرع نشف، ده حتى العيال ولاد فرجاني بتاع العطارة باعوا ارضهم وسافروا على بلاد بره.
المذيع: جووووووووووننننننننننننن شيكا يا شيكا الله عليك ياشيكا لعيب من يومك ياواد.
حسانين: باين عليه واد جامد زي ما انت قلت يابا العمدة.
العمدة اومال ياولا انا عارف كل حاجة. بس بيتهياللي ان الواد ده من البلد حدانا بس مش عارف من عيلة مين.
حسانين: هوا مين اللي بيلعب ده يابا العمدة؟
العمدة انت يالا عبيط انت مش عارف المنتخب بتاعنا، ده منتخب بلدنا.
حسانين: هي البلد حدنا هنا بقى ليها منتخب؟
العمدة: يالا ياضايع ، منتخب بلدنا كلها، منتخب مصر يعني.
حسانين: معلش يابا العمدة انا مش بتفرج على الكورة دي.
العمدة : انت يالا تروح تحلب الجاموسة دلوقت عشان انا زهقت منك.
حسانين: معلش يابا العمدة انا عايز اتفرج على الماتش ده ، وبالذات الواد شيكا بيكا ده.
العمدة: طب اقعد ساكت عشان نتفرج على الماتش بروقان ، اقولك قوم اعملنا شوية شاي ، ولا اقولك خليك . يابت ياسعدية يابت ياسعدية اعملي شوية شاي يابت.
سعدية: حاضر يابا العمدة.
حسانين: احنا مش حناكل قبل الشاي يابا العمدة؟
العمدة: انت يالا مفجوع كده على طول، يالا انت مش لسه طافح من شوية؟
حسانين: ده كان بعد الضهر يابا العمدة ، الدنيا ليلت والعشا ادنت من شوية.
العمدة: تصدق يالا مش واخد بالي انا مش عارف ليه بيلعبوا الماتشات دي على طول بليل، مع ان زمان كانوا بيلعبوها في عز الضهر.
حسانين: يمكن بقوا بيتعبوا من الشمس يابا العمدة
العمدة: مش عارف يالا ،يمكن
حسانين: ومين الراجل اللي واقف على الخط ده وعمال يشخط وينطر في اللعيبة؟
العمدة : ده مدرب المنتخب العظيم انت مش عارفه ده كمان ، ده حسن كفتة ، اعظم مدرب جه في تاريخ مصر.
حسانين: حسن كفتة مين يابا العمدة؟ ده عنده كشك بيبيع كفتة ومنبار؟.
العمدة: يالا يا ابن العبيطة حسن كفتة ده اسمه، ده بلاد كتيرة كانت عايزاه عشان يدرب اللعيبة بتاعتهم.
حسانين: ده باين عليه جامد اوي، شوف وشه زعلان ازاي ، مع انه كسبان تلاتة.
العمده اومال يلا لازم يزعل طبعا مش بيلاعب فريق الخنجروف.
حسانين: ومين فريق الخروف ده يابا العمدة؟
العمدة : خروف مين ياخروف، اسمه الخنجروف ده فريق بلد اسمها خنجروف بس مش عارف فين البلد دي.
حسانين: وهي في حاجة تخفى عليك ياعمدتنا.
العمدة : تصدق يلا مش عارف فين البلد دي ، اندهلي شيخ الغفر.
حسانين يذهب لياتي بشيخ الغفر
سعدية : الشاي يابا العمدة.
العمدة: ايه يابت اللي انتي لبساه ده، انا مش محرج عليكي تلبسي البلس المحزق ده.
سعدية: هي هي هي هي، ده لبس هيفاء وهبي. حلو مش كده ، هي هي هي هي
العمدة: يابت ياعلقة ، الله يخرب بيت الدش اللي بوظ دماغكوا ، اجري يابت غيري اللبس ده.
سعدية: هي هي هي هي
العمدة : اه يابنت الكلب.
شيخ الغفر: اوامرك يابا العمدة؟
العمدة : بقولك ايه ياشيخ الغفر ، هي فين البلد اللي بيقولوا عليها دي خنجروف؟
شيخ الغفر: حنجروف مين يابا العمدة؟
العمدة: خنجروف ياشيخ الغفر . خنجروف.
شيخ الغفر: مش عارف يابا العمدة . انا اول مرة اسمع الاسم ده.
العمدة: انا عايزك تطلع وتنزل وتجبلي قرار البلد دي فين.
شيخ الغفر: اوامرك يابا العمدة.
حسانين بعد شربه الشاي: ودي حتهمك في ايه يابا العمدة؟
العمدة: انا لازم اعرف كل حاجة يالا انت مفكرني جحش زيك ولا ايه.
حسانين: حاشا لله يابا العمدة ، انت كبيرنا وتاج راسنا.
العمدة : طب اسكت بقى خلينا نشوف الماتش
حسانين: اوامرك يابا العمدة.
المذيع: اوببببااااا ، ضربة جزاء ، مكانش فيها داعي خالص
حسانين: يعني ايه ضربة جزاء يابا العمدة؟
العمدة: يعني بلنتي ياحمار علينا
حسانين: ودي حاجة حلوة ولا وحشة يابا العمدة؟
العمدة: وحشة طبعا ، بس مش مهم احنا برضه كسبانين تلاتة.
حسانين: يعني احنا حنكسب لو خلصت الكورة على كده.
العمدة: اه كويس . مافيش مشكلة. وربنا يسترها معانا.
حسانين: يارب نكسب على طول يابا العمدة.
العمدة : يارب يالا . المهم دلوقت نعرف فين البلد دي اللي اسمها خنجروف.
حسانين: اهو شيخ الغفر حيجبلنا قرارها.
العمدة : اهو الماتش خلص، روح روح يالا وتعالى بكرة الصبح عشان في مشوار حبعتك تروحه.
حسانين: اوامرك يابا العمدة ، حجيلك من النجمة.
العمدة : نجمة دي تبقى امك، تعالى ياخويا على صلاة الضحى.
حسانين: اوامرك يابا العمدة .
تاني يوم الصبح
شيخ الغفر يدخل على العمدة
شيخ الغفر: صباح الخير ياحضرة العمدة
العمدة على ترابيزة الفطار: ازيك ياخويا ، خير؟
شيخ الغفر: انا جبتلك قرار البلد دي اللي اسمها خنجروف زي ماحضرتك امرت.
العمدة وهو يمضغ الاكل: اه، فين دي
شيخ الغفر: بيقولوا عليها في الجنوب ناحية السودان كده.
العمدة: ودي بلد كبيرة كده ، زي بلدنا يعني
شيخ الغفر: مش اوي يابا العمدة ، بس بيقولوا ان هما جايبين البلد دي شغل مصالح.
العمدة: مصالح ازاي ياشيخ الغفر، مش فاهم حاجة؟
شيخ الغفر: يعني تقريبا شغل بيزنز. يعني هما يسبولنا الماتش واحنا نديهم فلوس.
العمدة: مين اللي بيقول كده ياشيخ الغفر، الكلام ده يودي في داهية.
شيخ الغفر: اهو الناس بتقول كده.
العمدة: ناس مين ياشيخ الغفر، وضح كلامك.
شيخ الغفر: الناس في البلد حدانا هنا.
العمدة: انت مجنون ياشيخ الغفر، انت تقب وتجبلي اللي بيقول الكلام ده احسن اولع فيكم كلكم، انتم ياخويا نايمين على ودانكم وعمالين تاكلوا وتفشولوا فشر العجل .
شيخ الغفر: اوامرك يابا العمدة.
حسانين يدخل على العمدة
حسانين: صباحك نادي يابا العمدة.
العمدة: انت اتاخرت ليه ياولا؟ مش قلت لك تيجي على الضحى.
حسانين: والله يابا العمدة انا مانمتش من امبارح.
العمدة : ليه يالا ، ده انت حتى لسه ما اتجوزتش.
حسانين: اصل كان فيه خناقة كبيرة اوي على القهوة اللي فتحوها جديد دي
العمدة: وايه سبب الخناقة دي يلا
حسانين: ليه وليه الواد فرجاني بيقول ان حسن كفتة مدرب تعبان اووم ايه الواد مدبولي الاشوح زعق معاه لما قال كده ، وعينك ماتشوف الا النور . كل واحد طلعله صحاب وهاتك ياضرب.
العمدة: الله يخرب بيت ام الكورة على اللي بيتفرجوا عليها، اوم اندهلي شيخ الغفر.
حسانين: مش انت بعته مشوار من شوية؟
العمدة: اه صحيح، خلاص لما يجيي
حسانين: الخناقة خلاص خلصت يابا العمدة.
العمدة: خلصت دي عند امك يلا، انا ليا حساب تاني مع الجرابيع دول، ازاي يتخانقوا ومايعملوش حساب كبير البلد، هوا انا مت.
حسانين: ربنا يطولنا في عمرك يابا العمدة.
العمدة: قوم يالا اندهلي العيال دي لما اشوف ايه حكايتهم.
حسانين: حمامة يابا العمدة.
شيخ الغفر ياتي على الباب.
شيخ الغفر: تمام يابا العمدة ، انا جبتلك خبر العيال اللي بتلت وتعجن في البلد
العمدة: مين ياشيخ الغفر؟
شيخ الغفر: واد اسمه مدبولي الاشوح وواحد تاني اسمه فرجاني من عيلة الحلفاوي.
العمدة: مش هما دول اللي اتخانقوا امبارح على القهوة؟
شيخ الغفر: وعرفت منين يابا العمدة؟
العمدة: انت اهبل يلا اومال انا عمدة ازاي، انا بعت الواد حسانين يجبلي العيال دي لما نشوف ايه الحكاية.
شيخ الغفر: تحب ابعت الغفر يجبوهم؟
العمدة: لا استنى هنا لو ماجوش مع الواد حسانين حبعتك تجبهوملي من قفاهم.
شيخ الغفر: اوامرك يابا العمدة.
حسانين ياتي بمدبولي وفرجاني على الباب.
حسانين: تمام يابا العمدة جبتلك العيال بره.
العمدة: دخلهم اوام ياشيخ الغفر.
مدبولي وفرجاني يقفوا امام العمدة.
العمدة: ايه يلا حكايتك انت وهو انتم مافيش حد مالي عنيكوا، نازلين خناق مع بعض كان البلد مالهاش كبير. ايه حكايتكم بالظبط؟
فرجاني: لاحكاية ولا رواية يابا العمدة . ده كان خلاف صغير على الكورة واتصالحنا خلاص.
مدبولي : اه والله يابا العمدة مافيش حاجة خالص والموضوع خلص خلاص.
العمدة : انت يلا حتستعبط عليا منك له ، اومال دايرين ليه في البلد تقولوا ان الماتش بتاع امبارح متباع ؟
مدبولي وفرجاني في صوت واحد: مين اللي قال كده يابا العمدة؟
العمدة: عارف يلا لو ما اتكلمتوش انا حوديكوا في داهية، كل واحد يتكلم بالزوق ويقولي ايه الحكاية؟
مدبولي: احنا مابنقولش حاجة يابا العمدة ومين اللي قال كده احنا مانعرفش حاجة.
العمدة: يظهر يلا منك له انكوا مش حتيجوا بالزوق ولازم تتادبوا.
فرجاني : احنا ماعملناش حاجة بس يابا العمدة نتادب على ايه؟
العمدة: انت مش عايز تتكلم يلا منك له طب انا حوريكوا.
العمدة يكلم شيخ الغفر
العمدة: خدلي الاتنين دول على الحجز ياشيخ الغفر لما نشوف ايه حكايتهم.
شيخ الغفر: اوامرك يابا العمدة.
شيخ الغفر يسحب فرجاني ومدبولي قدامه وهم يضربون كفا على كف.
العمدة يكلم حسانين
العمدة: وبعدين يلا ياحسانين حنعمل فيهم ايه المصيبتين دول.
حسانين: مش عارف يابا العمدة ، بس ممكن تكلم سعادة البيه المامور وتاخد مشورته، اهو برضه تبعدهم عنك خالص.
العمدة: تصدق عندك حق ياواد ياحسانين.قوم اوام هاتلي التلفون
حسانين: حمامة يابا العمدة.
العمدة يكلم المركز: الو يامركز ، الو يامركز ، اديني المامور ياخويا، اديني ياخويا المامور.
المامور: ايوه ياعمدة خير.
العمدة: ازيك ياسعادة المامور، والله مش عارف اذا كان خير ولا شر.
المامور: خير ياعمدة احكيلي ايه الحكاية.
العمدة: فيه اتنين عندنا هنا دايرين في البلد عمالين يلسنوا بالكلام على المنتخب العظيم بتاعنا وبيقولوا على المدرب حسن كفته انه مش فاهم حاجة ، وكمان بيقولوا ان الواد شيكابيكا انه مابيعرفش يلعب وضايع. وكمان بيقولوا ان الماتش بتاع امبارح ده متباع
المامور: ازاي الكلام ده ياعمدة، امسكلي العيال بنت الكلب دي وانا جاي بنفسي اشوف ايه الحكاية.
العمدة: تنور ياسعادة الباشا، واهو بالمرة تتغدى معانا .
المامور: ربنا يسهل ياعمدة ، انا حعدي عليك بكرة ان شاء الله.
العمدة: اهلا وسهلا بيك ياسعادة البيه.
المامور: مع السلامة ياعمدة.
العمدة: مع السلامة ياسعادة البيه.
العمدة ينادي على سعدية : يابت ياسعدية ، انتي فين يابت؟
سعدية: اوامرك يابا العمدة ، هي هي هي هي
العمدة: يابت انتي مش حتبطلي المرقعة دي، جهزلنا يابت جوز حمام على جوز فراخ وبالمرة ادبحي دكر بط عشان عندنا عزومة كبيرة بكرة.
سعدية وهي بتتمرقع: حاضر يابا العمدة ، هي هي هي
العمدة: اه يابت الوسخة ، انا مش عارف ايه اللي مصبرني عليكي.
العمدة يكلم حسانين: اوم يلا روح دلوقت ولما حعوزك حندهلك.
حسانين: اجيلك امتى يابا العمدة؟
العمدة: قلت لك لما حعوزك حندهلك ، روح روح.
حسانين وهو ماشي: اوامرك يابا العمدة.
شيخ الغفر يدخل على العمدة: انا رميت الاتنين دول في الحجز يابا العمدة.
العمدة: ماشي ياشيخ الغفر، انا مش عارف ياخويا العيال بتلت ليه وتجيب لنا وجع الدماغ ، ما احنا كافيين خيرنا شرنا ، الله يخرب بيت القهوة اللي فتحوها عرفت الناس الافلام البايظة والكلام الفارغ ، لا واللي زاد وغطى تلاقيهم سيبين شغلهم وملموميين يتفرجوا على المصارعة الحرة .
شيخ الغفر: ماهو مافيش لا شغلة ولا مشغلة ليهم يابا ، الارض وبارت والشغل مافيش ، حيعمله ايه غير اللت والعجن.
العمدة: انا حعرف شغلي معاهم الجرابيع دول. انا حقفل القهوة دي اللي جايبلنا وجع الدماغ.
شيخ الغفر: ليه بس يابا العمدة ، انا بقول نخليها اهي حاجة تلهيهم وتشغلهم عننا.
العمدة: مش فاهم ياشيخ الغفر، انت عايز تقول ايه؟
شيخ الغفر: انت لو قفلت القهوة حتلاقيهم ملمومين على الترعة وبيتكلموا عليك وعلى حال البلد.
العمدة: ومالها حال البلد ياشيخ الغفر ما الدنيا عال العال.
شيخ الغفر: ايوه يابا العمدة ، ماقلتش حاجة، بس لو مالقوش حاجة يعملوها حتلاقيهم بيلسنوا بكلام تاني وممكن يجيبوا في سيرتك وسيرة ناس تانية ويعملوا مشاكل . خليها اهو مشغولين باي كلام فارغ ، المهم انهم عاجبهم الحال ده.
العمدة: تصدق عندك حق ياشيخ الغفر، هي بتكسب كام القهوة دي ياشيخ الغفر؟
شيخ الغفر: والله مش عارف بس انا بسمع انها بتسكب حلو اوي. علشان مافيش غيرها في نواحينا.
العمدة: طب انا عايزك تعرفلي بتكسب كام تقريبا القهوة في اليوم وتجبلي كمان اسعار الحاجة اللي بيبيعوها.
شيخ الغفر: اوامرك يابا العمدة، انا حروح اقعد عليها واطقس واعرفلك كل حاجة.
العمدة: خد وقتك ياشيخ الغفر بس ماتجيش الا لما تعرف كل حاجة من طقطق لسلاموا عليكوا.
شيخ الغفر: تمام يابا العمدة.
العمدة يدخل ينام
تاني يوم الصبح
العمدة يصحى على صوت حسانين: ايه حكايتك ياواد ياحسانين ، انت كل يوم تيجي بدري كده ، روح يلا شوفلك حاجة تعملها.
حسانين: انا جاي اطمن عليك واشوف حتعمل ايه في العيال اللي في الحجز دي.
العمدة: حنعمل ايه ياخويا، اهو احنا رمناهم في الحجز لحد مايجي سعادة المامور ويشوف حله معاهم.
حسانين: خير ماعملت يابا العمدة ، العيال شكلها بتاعة مشاكل واحنا مش ناقصين.
العمدة: طب نقطنا بسكاتك واخرس خالص ، ومش عايزك تلت وتعجن لما يجي سعادة المامور، انت فاهم.
حسانين: اوامرك يابا العمدة. ربنا يخليك لينا.
سعدية تدخل: صباح الخير يابا العمدة ، اعملك الفطار؟
العمدة: اعملي يابت وجهزي قوام اللي قلت لك عليه امبارح عشان سعادة الباشا المامور زمانه جاي.
سعدية: هي هي هي هي ، اوامرك يابا العمدة.
حسانين: ماتجوزني البت سعدية يابا العمدة؟
العمدة: تتجوزظ ايه ياخايب ، انت فيك نفس. وبعدين دي جامدة عليك ، مش حتقدر عليها .
حسانين: انا جامد برضه يابا العمدة، بس جوزهالي وانت تشوف.
العمدة: خليك في حالك ومالكش دعوة بيها خالص ، دي محجوزة وفيه ناس متكلمين عليها.
شيخ الغفر يدخل: صباح الخير يابا العمدة، العيال اللي في الحجز دي عاملة دوشة من امبارح وعايزين ياكلوا .
العمدة: ده ايه المصايب اللي بتتحدف علينا دي على الصبح، روح ارملهم رغفين عيش وحتة جبنة قديمة.
شيخ الغفر: اوامرك يابا العمدة.
العمدة: عملت ايه ياشيخ الغفر في الموضوع اللي كنت قلت لك عليه؟
شيخ الغفر: كله تمام ، جبت لك كل حاجة.
العمدة: طب روح اكل الغجر اللي في الحجز وتعالى احكيلي.
شيخ الغفر : تمام يابا العمدة.
حسانين: موضوع ايه يابا العمدة؟
العمدة: انت لسه هنا، مالكش دعوة خالص بالمواضيع دي، روح شوفلك حاجة تعملها ولما حعوزك حبقى اندهلك.
حسانين: اوامرك يابا العمدة.
شيخ الغفر يدخل: تمام يابا العمدة، القهوة دي بتكسب كتير اوي ، ده بيبيعوا كوباية الشاي بنص جنيه ، وحجر المعسل بربع جنيه ، والعملية ماشية معاهم زي الحلاوة.
العمدة: والناس الجرابيع دي بتجيب الفلوس منين وتقعد بيها على القهوة؟
شيخ الغفر: من دقنه وافتله يابا العمدة.
العمدة: يعني ايه ياشيخ الغفر ، وضح كلامك احسن ارميك معاهم في الحجز.
شيخ الغفر: بيستلفوا من بعض ، يعني اللي معاه بيسلف اللي مش معاه ، واللي معاه تلاقيه جايب الفلوس من مراته او امه، يا اما سارقهم. دول كلهم شحاتين يابا العمدة.
العمدة: ممممممممم، يبقى الحكاية كده ، طب بقولك ايه ياشيخ الغفر ، انا عايزك تلف في البلد وتشوفلي حتة دكانه نعملها قهوة عشان نلم فلوس الجرابيع دول. طالما معاهم فلوس ، عشان كمان يبقوا تحت عنينا ونعرف عنهم كل حاجة.
شيخ الغفر: اوامرك يابا العمدة.
العمدة بعد مايفطر والذي منه ينادي على سعدية: يابت ياسعدية انتي يابت ،حضريلي الحمام يابت.
سعدية: حاضر يابا العمدة، تحب اجي احميك يابا العمدة؟
العمدة: يخرب بيتك يابت ، اقولك تعالى ادعكيلي ضهري.
سعدية: اوامرك يابا العمدة ، هي هي هي هي
العمدة: اه يابنت الكلب.
يمر الوقت ويجي المامور على الباب الخارجي
المامور: ياعمدة ، ياعمدة.
العمدة: اهلا اهلا ياسعادة المامور، ده احنا زارنا النبي ، اتفضل.
المامور: ازيك ياعمدة ، وازي البلد على حسك؟
العمدة: البلد بخير طالما احنا تحت ضلك وحماك.
المامور: الله ينور عليك ياعمدة، ايه الحكاية بقى ياعمدة؟
العمدة: ودي تيجي برضه ياسعادة المامور ، مش لما نتغدى الاول ، انت عايز الناس يقولوا علينا بخلا.
المامور: والله انا مستعجل ياعمدة، عندي شغل كتير في المديرية وما اقدرش اتاخر.
العمدة: والله ماتيجي، انت لازم تتغدى معانا.
المامور: خلاص ياعمدة ، نتغدى مافيش مشكلة.
العمدة ينادي على سعدية: يابت ياسعدية، حضري الغدا يابت.
سعدية: حمامة يابا العمدة ، هي هي هي
المامور: ايه البت دي ياعمدة ، انا اول مرة اشوفها عندك؟
العمدة: اهي بتخدمني وتشوف طلباتي.
المامور: طلبات ايه بالظبط ياعمدة، هي هي
العمدة: لا مخك مايروحش بعيد ياحضرة المامور ، الواحد خلاص مابقاش فيه حيل.
المامور: انت لسه في عز شبابك ياعمدة.
العمدة، ربنا يبارك فيك ويخليك ياسعادة المامور.
بعد مايتغدوا ويشربوا الشاي
المامور: ايه الحكاية بقى ياعمدة؟
العمدة: الحكاية ان فيه اتنين عندنا في البلد ، بيلتوا ويعجنوا ويقولوا ان المنتخب بتاعنا بيكسب بالكوسة والفلوس، وان الكابتن العظيم حسن كفته مدرب ضايع، وان الواد اللعيب الكبير شيكا بيكا مالوش فيها خالص ومنظر بس.
المامور: ازاي الكلام ده ياعمدة هاتلي العيال دي بسرعة.
العمدة : اوامرك ياسعادة المامور.
العمدة ينادي على شيخ الغفر : ياشيخ الغفر
شيخ الغفر: اوامرك يابا العمدة.
العمدة: هات العيال الجرابيع دول من الحجز.
شيخ الغفر: حاضر ياحضرة العمدة.
المامور: ازاي الكلام ده العيال دي اتجنت ولا ايه، هما مش عارفين ان الكلام ده ممكن يوديهم في حديد؟
العمدة: ما انا قلت برضه تيجي تشوف بنفسك علشان تعرف ايه الحكاية من بقهم.
المامور: خير مافعلت ياعمدة، انا حخليهم يقروا ويعترفوا العيال بنت الكلب دي
شيخ الغفر يسحب مدبولي وفرجاني امام المامور
شيخ الغفر: تمام يابا العمدة العيال اهم.
العمدة: اهو سعادة المامور جه بنفسه عشان يربيكم ياكلاب.
المامور: ايه حكايتك ياواد انت وهو انا عايز اعرف انتوا بتقولوا ايه بالظبط؟
مدبولي وفرجاني في نفس واحد: احنا مانعرفش حاجة ياسعادة المامور ، ولابنقول اي حاجة احنا غلابة ومالناش في الكلام والحديت.
المامور: انت حتكدب من اولها يالا انت وهو اومال انتوا دايرين ليه في البلد تلتوا وتعجنوا وتقولوا ان المنتخب مابيعرفش يلعب وحسن كفته مالوش فيها وان الواد شيكا بيكا ده منظر وبطيخة ليه؟
مدبولي: يابيه احنا مابنقولش حاجة وبعدين الكلام ده احنا مانعرفوش .
فرجاني: يابيه انتوا بتقولونا كلام ماقلناهوش.
العمدة: يخرب بيتك ياواد انت وهو انتوا حتردوا على سعادة المامور!
المامور: ومايرودوش ليه ياعمدة ، دي عيال صيع ومالهومش كبير ، بس انا حفرجهم ازاي يقولوا الكلام ده.
العمدة: ايوه ياسعادة البيه وريهم ولاد الجزمة دول.
المامور: انا حخدكم المركز معايا وهناك حنعرف كل حاجة.
مدبولي وفرجاني : يابيه مركز ايه احنا عمرنا ماخرجنا من البلد دي قبل كده ، حنروح نعمل ايه بس هناك؟
المامور: حنتفسح ياروح امك منك له .
مدبولي : لايابيه مش عايزين نتفسح احنا مبسوطين هنا.
المامور: انت ببتريق ياخويا ، ماشي انا حوريك
المامور ينادي على العسكري: ياعسكري ياعسكري اسحبلي الغجر دول على البوكس.
فرجاني: يابيه حرام عليك احنا ماعملناش حاجة خالص.
المامور: حنعرف ياخويا عملت ولا ماعملتش ، احنا اللي بنقول مش انت يابن الكلب.
العمدة: ايوه خلصنا منهم الجرابيع دي ياسعادة البيه.
العسكري يسحب الاتنين من قفاهم على البوكس .
المامور: معلش بقى ياعمدة انا مضطر امشي عشان اعرف اوصل قبل المغربية وبعدين بكرة الصبح انا حعرف شغلي مع الصيع دي.
العمدة: توصل بالسلامة ياسعادة البيه ، بس والنبي اول ما العيال دي تتكلم ابقى بلغني على طول عشان اعرف قالوا ايه.
المامور: اكيد ياعمدة اكيد حبلغك.
العمدة : مع الف سلامة ياسعادة البيه.
المامور: مع السلامة ياعمدة .
المامور في المركز تاني يوم الصبح ينادي على الضابط علاء: ياعلاء هاتلي العيليين اللي جبتهم امبارح من الحجز
علاء: تمام يافندم
علاء ينادي على العسكري : ياعسكري هاتلي الجرابيع اللي رمتهم امبارح في الحجز
العسكري: تمام يافندم
العسكري يسحب فرجاني ومدبولي من الحجز ويقف امام الضابط علاء : تمام يافندم الاتنين اللي حضرتك طلبتهم.
علاء: طب روح انت ياعسكري
علاء يسحب الاتنين الي المامور: تمام يافندم الاتنين اللي حضرتك طلبتهم.
المامور: طب سبهم وروح انت شوف شغلك
علاء: تمام يافندم
المامور موجها كلامه الى الجرابيع: انت ياواد انت وهو مش حتتكلموا بالزوق؟
فرجاني ومدبولي في نفس واحد: نتكلم نقول ايه بس ياسعادة الباشا احنا مش عارفين احنا هنا ليه اصلا؟
المامور: ياسلام ، حلوة دي، انتم مش قلتم ان المنتخب العظيم بتاعنا بيكسب بالحظ وان حسن كفتة مدرب مالوش فيها، وان شيكا بيكا الفظيع واد ضايع ومش فاهم حاجة؟
فرجاني: ياسعادة الباشا احنا ماقولناش كده ، احنا كل اللي قلناه ان المنتخب جايب فريق اسمه الخنجروف تعبان اوي عشان يكسبه والناس تفرح، وشيكا بيكا يقعد يلف ويدور في الملعب ومحدش عارف يمسكه عشان اللعيبه اللي قدامه سكه وتعبانة ، وده كده بيخلي الناس حدانا تصدق ان المنتخب بتاعنا جامد مع ان الحقيقة انه مش كده ، والدليل انه لما بيلعب مع منتخب جامد بنحتاس ونقعد نلم الكور من جوه الجون بتاعنا!!
المامور: يخرب بيتك يلا وبيت سنينك انت كمان حتدخل في شغل مش شغلك؟
مدبولي: ازاي بس ياسعادة الباشا ، ماهو لو مش شغلنا يبقى محدش حيتفرج على الكورة خالص ومحدش حيشجع المنتخب ولا حينادي باسم شيكا بيكا ولا حيكون لينا اندية الواحد ممكن يشوفها.
المامور: انت بقيت فيلسوف ياخويا.
فرجاني : الحكاية مش حكاية فلسفة يابيه ، الموضوع ان احنا بنفهم ولينا عقل زي حسن كفتة بالظبط يعني هو مش بيفهم اكتر مننا ولا حاجة ، اما حكاية الاندية اللي المنتخب بيلعب معاها التعبانة دي ، مجرد تمثيلية عشان الناس تتلهى فيها ومحدش يبص على اكل عيشه ولا العيشة اللي احنا عايشنها.
المامور: يخرب بيتك انت وهو، انتوا حتروحوا جهنم على الكلام اللي انتوا بتقولوه ده ، ده ممكن تتعدمم.
فرجاني: ليه بس يابيه احنا غلابة وملناش فيها.
المامور: دلوقت بقيتوا غلابة؟ طب حتشوف منك له.
المامور يكلم مدير الامن في التليفون: ايوه يافندم احنا قبضنا على اتنين بيقولوا ان المنتخب بتاعنا ده سكة وان حسن كفتة المدرب العظيم مالوش فيها وبطيخة وان الواد شسكا بيكا ده ضايع ويروح يلعب في مناخيره احسن.
مدير الامن: ازاي الكلام ده ، ازاي، ابعتلي الاتنين دول عشان اعلقهم من .....
المامور: تمام يافندم حيكونوا عندك حالا.
مدير الامن يكلم الوزير: تمام يافندم ، احنا قبضنا على اتنين مخبولين دايرين في البلد يلسنوا بالكلام على المنتخب بتاعنا والمدرب العظيم حسن كفتة كمان، ومش كده وبس ده كمان بيلسنوا بالكلام على تميمة الحظ بتاعتنا ، شيكا بيكا.
الزير: احا ، ازاي يقولوا الكلام ده ، ابعتلي ولا الوسخة دول.
مدير الامن : تمام سيادتك.
المذيع في التليفزيون : وقد تم القبض على المسجل شقي خطر فرجاني ومساعده الاوحد مدبولي وتحريز الاوراق التي تحض على قلب نظام الحكم ، وقد ارسلت اوراقهم الى فضيلة المفتى لابداء راي فضيلته في هذه القضية ، والله الموفق.
العمدة: شوفت ياواد ياحسانين ، ماجابوش اسمي في التلافزيون وماقالوش ان احنا اللي قبضنا عليهم.
حسانين : ولا يهمك يابا العمدة ، ارمي ورا ضهرك ، انت الخير والبركة برضه .
العمدة: يلا ، اهو الواحد يعمل الخير ويرميه في البحر . اقولك ، اوم روح ياواد ياحسانين عشان انا تعبان.
حسانين: اجيلك بكرة يابا العمدة؟
العمدة: لما حعوزك حندهلك ، يلا مع السلامة
حسانين: مع السلامة يابا العمدة.
تمت
حسانين: اوامرك يابا العمدة.
المذيع: يباصيها حنكورة توصل لشنكورة ، شنكورة يديها لسنكورة ، سنكوره يرفعها توصل لشيكابيكا.
العمدة: عارف ياواد ياحسانين انهم بيقولوا ان الواد شيكابيكا ده جامد اوي في الكورة وانه بيجيب جوان زي الفل.
حسانين: شيكابيكا مين يابا العمدة؟
العمدة : يخربيتك يالا انت ماتعرفش شيكا بيكا ، ده مافيش حد في البلد حدانا هنا مايعرفوش،هوا انت مش بتتفرج على الكورة ولا ايه يالا؟
حسانين: وحشوفها فين يابا العمدة، مافيش حدانا تلفزيون ولا البتاع ده اللي بيقولوا عليه التش.
العمدة: اسمه دش ياهبل مش تش.
حسانين: وانا مالي يابا العمدة انا يادوبك بشوف الناس قاعدة على القهوة اللي فتحوها جديد حدا دوار عيلة ابو سعيدة.
العمدة: ايه حكاية القهوة دي ياولا؟ الناس ياخويا سابوا اشغالهم وراحوا ال ايه يتفرجوا على الغناوي والكورة . والمصارعة الحرة
حسانين: ماهو مافيش حاجة تانية يعملوها ، الارض وبارت والزرع نشف، ده حتى العيال ولاد فرجاني بتاع العطارة باعوا ارضهم وسافروا على بلاد بره.
المذيع: جووووووووووننننننننننننن شيكا يا شيكا الله عليك ياشيكا لعيب من يومك ياواد.
حسانين: باين عليه واد جامد زي ما انت قلت يابا العمدة.
العمدة اومال ياولا انا عارف كل حاجة. بس بيتهياللي ان الواد ده من البلد حدانا بس مش عارف من عيلة مين.
حسانين: هوا مين اللي بيلعب ده يابا العمدة؟
العمدة انت يالا عبيط انت مش عارف المنتخب بتاعنا، ده منتخب بلدنا.
حسانين: هي البلد حدنا هنا بقى ليها منتخب؟
العمدة: يالا ياضايع ، منتخب بلدنا كلها، منتخب مصر يعني.
حسانين: معلش يابا العمدة انا مش بتفرج على الكورة دي.
العمدة : انت يالا تروح تحلب الجاموسة دلوقت عشان انا زهقت منك.
حسانين: معلش يابا العمدة انا عايز اتفرج على الماتش ده ، وبالذات الواد شيكا بيكا ده.
العمدة: طب اقعد ساكت عشان نتفرج على الماتش بروقان ، اقولك قوم اعملنا شوية شاي ، ولا اقولك خليك . يابت ياسعدية يابت ياسعدية اعملي شوية شاي يابت.
سعدية: حاضر يابا العمدة.
حسانين: احنا مش حناكل قبل الشاي يابا العمدة؟
العمدة: انت يالا مفجوع كده على طول، يالا انت مش لسه طافح من شوية؟
حسانين: ده كان بعد الضهر يابا العمدة ، الدنيا ليلت والعشا ادنت من شوية.
العمدة: تصدق يالا مش واخد بالي انا مش عارف ليه بيلعبوا الماتشات دي على طول بليل، مع ان زمان كانوا بيلعبوها في عز الضهر.
حسانين: يمكن بقوا بيتعبوا من الشمس يابا العمدة
العمدة: مش عارف يالا ،يمكن
حسانين: ومين الراجل اللي واقف على الخط ده وعمال يشخط وينطر في اللعيبة؟
العمدة : ده مدرب المنتخب العظيم انت مش عارفه ده كمان ، ده حسن كفتة ، اعظم مدرب جه في تاريخ مصر.
حسانين: حسن كفتة مين يابا العمدة؟ ده عنده كشك بيبيع كفتة ومنبار؟.
العمدة: يالا يا ابن العبيطة حسن كفتة ده اسمه، ده بلاد كتيرة كانت عايزاه عشان يدرب اللعيبة بتاعتهم.
حسانين: ده باين عليه جامد اوي، شوف وشه زعلان ازاي ، مع انه كسبان تلاتة.
العمده اومال يلا لازم يزعل طبعا مش بيلاعب فريق الخنجروف.
حسانين: ومين فريق الخروف ده يابا العمدة؟
العمدة : خروف مين ياخروف، اسمه الخنجروف ده فريق بلد اسمها خنجروف بس مش عارف فين البلد دي.
حسانين: وهي في حاجة تخفى عليك ياعمدتنا.
العمدة : تصدق يلا مش عارف فين البلد دي ، اندهلي شيخ الغفر.
حسانين يذهب لياتي بشيخ الغفر
سعدية : الشاي يابا العمدة.
العمدة: ايه يابت اللي انتي لبساه ده، انا مش محرج عليكي تلبسي البلس المحزق ده.
سعدية: هي هي هي هي، ده لبس هيفاء وهبي. حلو مش كده ، هي هي هي هي
العمدة: يابت ياعلقة ، الله يخرب بيت الدش اللي بوظ دماغكوا ، اجري يابت غيري اللبس ده.
سعدية: هي هي هي هي
العمدة : اه يابنت الكلب.
شيخ الغفر: اوامرك يابا العمدة؟
العمدة : بقولك ايه ياشيخ الغفر ، هي فين البلد اللي بيقولوا عليها دي خنجروف؟
شيخ الغفر: حنجروف مين يابا العمدة؟
العمدة: خنجروف ياشيخ الغفر . خنجروف.
شيخ الغفر: مش عارف يابا العمدة . انا اول مرة اسمع الاسم ده.
العمدة: انا عايزك تطلع وتنزل وتجبلي قرار البلد دي فين.
شيخ الغفر: اوامرك يابا العمدة.
حسانين بعد شربه الشاي: ودي حتهمك في ايه يابا العمدة؟
العمدة: انا لازم اعرف كل حاجة يالا انت مفكرني جحش زيك ولا ايه.
حسانين: حاشا لله يابا العمدة ، انت كبيرنا وتاج راسنا.
العمدة : طب اسكت بقى خلينا نشوف الماتش
حسانين: اوامرك يابا العمدة.
المذيع: اوببببااااا ، ضربة جزاء ، مكانش فيها داعي خالص
حسانين: يعني ايه ضربة جزاء يابا العمدة؟
العمدة: يعني بلنتي ياحمار علينا
حسانين: ودي حاجة حلوة ولا وحشة يابا العمدة؟
العمدة: وحشة طبعا ، بس مش مهم احنا برضه كسبانين تلاتة.
حسانين: يعني احنا حنكسب لو خلصت الكورة على كده.
العمدة: اه كويس . مافيش مشكلة. وربنا يسترها معانا.
حسانين: يارب نكسب على طول يابا العمدة.
العمدة : يارب يالا . المهم دلوقت نعرف فين البلد دي اللي اسمها خنجروف.
حسانين: اهو شيخ الغفر حيجبلنا قرارها.
العمدة : اهو الماتش خلص، روح روح يالا وتعالى بكرة الصبح عشان في مشوار حبعتك تروحه.
حسانين: اوامرك يابا العمدة ، حجيلك من النجمة.
العمدة : نجمة دي تبقى امك، تعالى ياخويا على صلاة الضحى.
حسانين: اوامرك يابا العمدة .
تاني يوم الصبح
شيخ الغفر يدخل على العمدة
شيخ الغفر: صباح الخير ياحضرة العمدة
العمدة على ترابيزة الفطار: ازيك ياخويا ، خير؟
شيخ الغفر: انا جبتلك قرار البلد دي اللي اسمها خنجروف زي ماحضرتك امرت.
العمدة وهو يمضغ الاكل: اه، فين دي
شيخ الغفر: بيقولوا عليها في الجنوب ناحية السودان كده.
العمدة: ودي بلد كبيرة كده ، زي بلدنا يعني
شيخ الغفر: مش اوي يابا العمدة ، بس بيقولوا ان هما جايبين البلد دي شغل مصالح.
العمدة: مصالح ازاي ياشيخ الغفر، مش فاهم حاجة؟
شيخ الغفر: يعني تقريبا شغل بيزنز. يعني هما يسبولنا الماتش واحنا نديهم فلوس.
العمدة: مين اللي بيقول كده ياشيخ الغفر، الكلام ده يودي في داهية.
شيخ الغفر: اهو الناس بتقول كده.
العمدة: ناس مين ياشيخ الغفر، وضح كلامك.
شيخ الغفر: الناس في البلد حدانا هنا.
العمدة: انت مجنون ياشيخ الغفر، انت تقب وتجبلي اللي بيقول الكلام ده احسن اولع فيكم كلكم، انتم ياخويا نايمين على ودانكم وعمالين تاكلوا وتفشولوا فشر العجل .
شيخ الغفر: اوامرك يابا العمدة.
حسانين يدخل على العمدة
حسانين: صباحك نادي يابا العمدة.
العمدة: انت اتاخرت ليه ياولا؟ مش قلت لك تيجي على الضحى.
حسانين: والله يابا العمدة انا مانمتش من امبارح.
العمدة : ليه يالا ، ده انت حتى لسه ما اتجوزتش.
حسانين: اصل كان فيه خناقة كبيرة اوي على القهوة اللي فتحوها جديد دي
العمدة: وايه سبب الخناقة دي يلا
حسانين: ليه وليه الواد فرجاني بيقول ان حسن كفتة مدرب تعبان اووم ايه الواد مدبولي الاشوح زعق معاه لما قال كده ، وعينك ماتشوف الا النور . كل واحد طلعله صحاب وهاتك ياضرب.
العمدة: الله يخرب بيت ام الكورة على اللي بيتفرجوا عليها، اوم اندهلي شيخ الغفر.
حسانين: مش انت بعته مشوار من شوية؟
العمدة: اه صحيح، خلاص لما يجيي
حسانين: الخناقة خلاص خلصت يابا العمدة.
العمدة: خلصت دي عند امك يلا، انا ليا حساب تاني مع الجرابيع دول، ازاي يتخانقوا ومايعملوش حساب كبير البلد، هوا انا مت.
حسانين: ربنا يطولنا في عمرك يابا العمدة.
العمدة: قوم يالا اندهلي العيال دي لما اشوف ايه حكايتهم.
حسانين: حمامة يابا العمدة.
شيخ الغفر ياتي على الباب.
شيخ الغفر: تمام يابا العمدة ، انا جبتلك خبر العيال اللي بتلت وتعجن في البلد
العمدة: مين ياشيخ الغفر؟
شيخ الغفر: واد اسمه مدبولي الاشوح وواحد تاني اسمه فرجاني من عيلة الحلفاوي.
العمدة: مش هما دول اللي اتخانقوا امبارح على القهوة؟
شيخ الغفر: وعرفت منين يابا العمدة؟
العمدة: انت اهبل يلا اومال انا عمدة ازاي، انا بعت الواد حسانين يجبلي العيال دي لما نشوف ايه الحكاية.
شيخ الغفر: تحب ابعت الغفر يجبوهم؟
العمدة: لا استنى هنا لو ماجوش مع الواد حسانين حبعتك تجبهوملي من قفاهم.
شيخ الغفر: اوامرك يابا العمدة.
حسانين ياتي بمدبولي وفرجاني على الباب.
حسانين: تمام يابا العمدة جبتلك العيال بره.
العمدة: دخلهم اوام ياشيخ الغفر.
مدبولي وفرجاني يقفوا امام العمدة.
العمدة: ايه يلا حكايتك انت وهو انتم مافيش حد مالي عنيكوا، نازلين خناق مع بعض كان البلد مالهاش كبير. ايه حكايتكم بالظبط؟
فرجاني: لاحكاية ولا رواية يابا العمدة . ده كان خلاف صغير على الكورة واتصالحنا خلاص.
مدبولي : اه والله يابا العمدة مافيش حاجة خالص والموضوع خلص خلاص.
العمدة : انت يلا حتستعبط عليا منك له ، اومال دايرين ليه في البلد تقولوا ان الماتش بتاع امبارح متباع ؟
مدبولي وفرجاني في صوت واحد: مين اللي قال كده يابا العمدة؟
العمدة: عارف يلا لو ما اتكلمتوش انا حوديكوا في داهية، كل واحد يتكلم بالزوق ويقولي ايه الحكاية؟
مدبولي: احنا مابنقولش حاجة يابا العمدة ومين اللي قال كده احنا مانعرفش حاجة.
العمدة: يظهر يلا منك له انكوا مش حتيجوا بالزوق ولازم تتادبوا.
فرجاني : احنا ماعملناش حاجة بس يابا العمدة نتادب على ايه؟
العمدة: انت مش عايز تتكلم يلا منك له طب انا حوريكوا.
العمدة يكلم شيخ الغفر
العمدة: خدلي الاتنين دول على الحجز ياشيخ الغفر لما نشوف ايه حكايتهم.
شيخ الغفر: اوامرك يابا العمدة.
شيخ الغفر يسحب فرجاني ومدبولي قدامه وهم يضربون كفا على كف.
العمدة يكلم حسانين
العمدة: وبعدين يلا ياحسانين حنعمل فيهم ايه المصيبتين دول.
حسانين: مش عارف يابا العمدة ، بس ممكن تكلم سعادة البيه المامور وتاخد مشورته، اهو برضه تبعدهم عنك خالص.
العمدة: تصدق عندك حق ياواد ياحسانين.قوم اوام هاتلي التلفون
حسانين: حمامة يابا العمدة.
العمدة يكلم المركز: الو يامركز ، الو يامركز ، اديني المامور ياخويا، اديني ياخويا المامور.
المامور: ايوه ياعمدة خير.
العمدة: ازيك ياسعادة المامور، والله مش عارف اذا كان خير ولا شر.
المامور: خير ياعمدة احكيلي ايه الحكاية.
العمدة: فيه اتنين عندنا هنا دايرين في البلد عمالين يلسنوا بالكلام على المنتخب العظيم بتاعنا وبيقولوا على المدرب حسن كفته انه مش فاهم حاجة ، وكمان بيقولوا ان الواد شيكابيكا انه مابيعرفش يلعب وضايع. وكمان بيقولوا ان الماتش بتاع امبارح ده متباع
المامور: ازاي الكلام ده ياعمدة، امسكلي العيال بنت الكلب دي وانا جاي بنفسي اشوف ايه الحكاية.
العمدة: تنور ياسعادة الباشا، واهو بالمرة تتغدى معانا .
المامور: ربنا يسهل ياعمدة ، انا حعدي عليك بكرة ان شاء الله.
العمدة: اهلا وسهلا بيك ياسعادة البيه.
المامور: مع السلامة ياعمدة.
العمدة: مع السلامة ياسعادة البيه.
العمدة ينادي على سعدية : يابت ياسعدية ، انتي فين يابت؟
سعدية: اوامرك يابا العمدة ، هي هي هي هي
العمدة: يابت انتي مش حتبطلي المرقعة دي، جهزلنا يابت جوز حمام على جوز فراخ وبالمرة ادبحي دكر بط عشان عندنا عزومة كبيرة بكرة.
سعدية وهي بتتمرقع: حاضر يابا العمدة ، هي هي هي
العمدة: اه يابت الوسخة ، انا مش عارف ايه اللي مصبرني عليكي.
العمدة يكلم حسانين: اوم يلا روح دلوقت ولما حعوزك حندهلك.
حسانين: اجيلك امتى يابا العمدة؟
العمدة: قلت لك لما حعوزك حندهلك ، روح روح.
حسانين وهو ماشي: اوامرك يابا العمدة.
شيخ الغفر يدخل على العمدة: انا رميت الاتنين دول في الحجز يابا العمدة.
العمدة: ماشي ياشيخ الغفر، انا مش عارف ياخويا العيال بتلت ليه وتجيب لنا وجع الدماغ ، ما احنا كافيين خيرنا شرنا ، الله يخرب بيت القهوة اللي فتحوها عرفت الناس الافلام البايظة والكلام الفارغ ، لا واللي زاد وغطى تلاقيهم سيبين شغلهم وملموميين يتفرجوا على المصارعة الحرة .
شيخ الغفر: ماهو مافيش لا شغلة ولا مشغلة ليهم يابا ، الارض وبارت والشغل مافيش ، حيعمله ايه غير اللت والعجن.
العمدة: انا حعرف شغلي معاهم الجرابيع دول. انا حقفل القهوة دي اللي جايبلنا وجع الدماغ.
شيخ الغفر: ليه بس يابا العمدة ، انا بقول نخليها اهي حاجة تلهيهم وتشغلهم عننا.
العمدة: مش فاهم ياشيخ الغفر، انت عايز تقول ايه؟
شيخ الغفر: انت لو قفلت القهوة حتلاقيهم ملمومين على الترعة وبيتكلموا عليك وعلى حال البلد.
العمدة: ومالها حال البلد ياشيخ الغفر ما الدنيا عال العال.
شيخ الغفر: ايوه يابا العمدة ، ماقلتش حاجة، بس لو مالقوش حاجة يعملوها حتلاقيهم بيلسنوا بكلام تاني وممكن يجيبوا في سيرتك وسيرة ناس تانية ويعملوا مشاكل . خليها اهو مشغولين باي كلام فارغ ، المهم انهم عاجبهم الحال ده.
العمدة: تصدق عندك حق ياشيخ الغفر، هي بتكسب كام القهوة دي ياشيخ الغفر؟
شيخ الغفر: والله مش عارف بس انا بسمع انها بتسكب حلو اوي. علشان مافيش غيرها في نواحينا.
العمدة: طب انا عايزك تعرفلي بتكسب كام تقريبا القهوة في اليوم وتجبلي كمان اسعار الحاجة اللي بيبيعوها.
شيخ الغفر: اوامرك يابا العمدة، انا حروح اقعد عليها واطقس واعرفلك كل حاجة.
العمدة: خد وقتك ياشيخ الغفر بس ماتجيش الا لما تعرف كل حاجة من طقطق لسلاموا عليكوا.
شيخ الغفر: تمام يابا العمدة.
العمدة يدخل ينام
تاني يوم الصبح
العمدة يصحى على صوت حسانين: ايه حكايتك ياواد ياحسانين ، انت كل يوم تيجي بدري كده ، روح يلا شوفلك حاجة تعملها.
حسانين: انا جاي اطمن عليك واشوف حتعمل ايه في العيال اللي في الحجز دي.
العمدة: حنعمل ايه ياخويا، اهو احنا رمناهم في الحجز لحد مايجي سعادة المامور ويشوف حله معاهم.
حسانين: خير ماعملت يابا العمدة ، العيال شكلها بتاعة مشاكل واحنا مش ناقصين.
العمدة: طب نقطنا بسكاتك واخرس خالص ، ومش عايزك تلت وتعجن لما يجي سعادة المامور، انت فاهم.
حسانين: اوامرك يابا العمدة. ربنا يخليك لينا.
سعدية تدخل: صباح الخير يابا العمدة ، اعملك الفطار؟
العمدة: اعملي يابت وجهزي قوام اللي قلت لك عليه امبارح عشان سعادة الباشا المامور زمانه جاي.
سعدية: هي هي هي هي ، اوامرك يابا العمدة.
حسانين: ماتجوزني البت سعدية يابا العمدة؟
العمدة: تتجوزظ ايه ياخايب ، انت فيك نفس. وبعدين دي جامدة عليك ، مش حتقدر عليها .
حسانين: انا جامد برضه يابا العمدة، بس جوزهالي وانت تشوف.
العمدة: خليك في حالك ومالكش دعوة بيها خالص ، دي محجوزة وفيه ناس متكلمين عليها.
شيخ الغفر يدخل: صباح الخير يابا العمدة، العيال اللي في الحجز دي عاملة دوشة من امبارح وعايزين ياكلوا .
العمدة: ده ايه المصايب اللي بتتحدف علينا دي على الصبح، روح ارملهم رغفين عيش وحتة جبنة قديمة.
شيخ الغفر: اوامرك يابا العمدة.
العمدة: عملت ايه ياشيخ الغفر في الموضوع اللي كنت قلت لك عليه؟
شيخ الغفر: كله تمام ، جبت لك كل حاجة.
العمدة: طب روح اكل الغجر اللي في الحجز وتعالى احكيلي.
شيخ الغفر : تمام يابا العمدة.
حسانين: موضوع ايه يابا العمدة؟
العمدة: انت لسه هنا، مالكش دعوة خالص بالمواضيع دي، روح شوفلك حاجة تعملها ولما حعوزك حبقى اندهلك.
حسانين: اوامرك يابا العمدة.
شيخ الغفر يدخل: تمام يابا العمدة، القهوة دي بتكسب كتير اوي ، ده بيبيعوا كوباية الشاي بنص جنيه ، وحجر المعسل بربع جنيه ، والعملية ماشية معاهم زي الحلاوة.
العمدة: والناس الجرابيع دي بتجيب الفلوس منين وتقعد بيها على القهوة؟
شيخ الغفر: من دقنه وافتله يابا العمدة.
العمدة: يعني ايه ياشيخ الغفر ، وضح كلامك احسن ارميك معاهم في الحجز.
شيخ الغفر: بيستلفوا من بعض ، يعني اللي معاه بيسلف اللي مش معاه ، واللي معاه تلاقيه جايب الفلوس من مراته او امه، يا اما سارقهم. دول كلهم شحاتين يابا العمدة.
العمدة: ممممممممم، يبقى الحكاية كده ، طب بقولك ايه ياشيخ الغفر ، انا عايزك تلف في البلد وتشوفلي حتة دكانه نعملها قهوة عشان نلم فلوس الجرابيع دول. طالما معاهم فلوس ، عشان كمان يبقوا تحت عنينا ونعرف عنهم كل حاجة.
شيخ الغفر: اوامرك يابا العمدة.
العمدة بعد مايفطر والذي منه ينادي على سعدية: يابت ياسعدية انتي يابت ،حضريلي الحمام يابت.
سعدية: حاضر يابا العمدة، تحب اجي احميك يابا العمدة؟
العمدة: يخرب بيتك يابت ، اقولك تعالى ادعكيلي ضهري.
سعدية: اوامرك يابا العمدة ، هي هي هي هي
العمدة: اه يابنت الكلب.
يمر الوقت ويجي المامور على الباب الخارجي
المامور: ياعمدة ، ياعمدة.
العمدة: اهلا اهلا ياسعادة المامور، ده احنا زارنا النبي ، اتفضل.
المامور: ازيك ياعمدة ، وازي البلد على حسك؟
العمدة: البلد بخير طالما احنا تحت ضلك وحماك.
المامور: الله ينور عليك ياعمدة، ايه الحكاية بقى ياعمدة؟
العمدة: ودي تيجي برضه ياسعادة المامور ، مش لما نتغدى الاول ، انت عايز الناس يقولوا علينا بخلا.
المامور: والله انا مستعجل ياعمدة، عندي شغل كتير في المديرية وما اقدرش اتاخر.
العمدة: والله ماتيجي، انت لازم تتغدى معانا.
المامور: خلاص ياعمدة ، نتغدى مافيش مشكلة.
العمدة ينادي على سعدية: يابت ياسعدية، حضري الغدا يابت.
سعدية: حمامة يابا العمدة ، هي هي هي
المامور: ايه البت دي ياعمدة ، انا اول مرة اشوفها عندك؟
العمدة: اهي بتخدمني وتشوف طلباتي.
المامور: طلبات ايه بالظبط ياعمدة، هي هي
العمدة: لا مخك مايروحش بعيد ياحضرة المامور ، الواحد خلاص مابقاش فيه حيل.
المامور: انت لسه في عز شبابك ياعمدة.
العمدة، ربنا يبارك فيك ويخليك ياسعادة المامور.
بعد مايتغدوا ويشربوا الشاي
المامور: ايه الحكاية بقى ياعمدة؟
العمدة: الحكاية ان فيه اتنين عندنا في البلد ، بيلتوا ويعجنوا ويقولوا ان المنتخب بتاعنا بيكسب بالكوسة والفلوس، وان الكابتن العظيم حسن كفته مدرب ضايع، وان الواد اللعيب الكبير شيكا بيكا مالوش فيها خالص ومنظر بس.
المامور: ازاي الكلام ده ياعمدة هاتلي العيال دي بسرعة.
العمدة : اوامرك ياسعادة المامور.
العمدة ينادي على شيخ الغفر : ياشيخ الغفر
شيخ الغفر: اوامرك يابا العمدة.
العمدة: هات العيال الجرابيع دول من الحجز.
شيخ الغفر: حاضر ياحضرة العمدة.
المامور: ازاي الكلام ده العيال دي اتجنت ولا ايه، هما مش عارفين ان الكلام ده ممكن يوديهم في حديد؟
العمدة: ما انا قلت برضه تيجي تشوف بنفسك علشان تعرف ايه الحكاية من بقهم.
المامور: خير مافعلت ياعمدة، انا حخليهم يقروا ويعترفوا العيال بنت الكلب دي
شيخ الغفر يسحب مدبولي وفرجاني امام المامور
شيخ الغفر: تمام يابا العمدة العيال اهم.
العمدة: اهو سعادة المامور جه بنفسه عشان يربيكم ياكلاب.
المامور: ايه حكايتك ياواد انت وهو انا عايز اعرف انتوا بتقولوا ايه بالظبط؟
مدبولي وفرجاني في نفس واحد: احنا مانعرفش حاجة ياسعادة المامور ، ولابنقول اي حاجة احنا غلابة ومالناش في الكلام والحديت.
المامور: انت حتكدب من اولها يالا انت وهو اومال انتوا دايرين ليه في البلد تلتوا وتعجنوا وتقولوا ان المنتخب مابيعرفش يلعب وحسن كفته مالوش فيها وان الواد شيكا بيكا ده منظر وبطيخة ليه؟
مدبولي: يابيه احنا مابنقولش حاجة وبعدين الكلام ده احنا مانعرفوش .
فرجاني: يابيه انتوا بتقولونا كلام ماقلناهوش.
العمدة: يخرب بيتك ياواد انت وهو انتوا حتردوا على سعادة المامور!
المامور: ومايرودوش ليه ياعمدة ، دي عيال صيع ومالهومش كبير ، بس انا حفرجهم ازاي يقولوا الكلام ده.
العمدة: ايوه ياسعادة البيه وريهم ولاد الجزمة دول.
المامور: انا حخدكم المركز معايا وهناك حنعرف كل حاجة.
مدبولي وفرجاني : يابيه مركز ايه احنا عمرنا ماخرجنا من البلد دي قبل كده ، حنروح نعمل ايه بس هناك؟
المامور: حنتفسح ياروح امك منك له .
مدبولي : لايابيه مش عايزين نتفسح احنا مبسوطين هنا.
المامور: انت ببتريق ياخويا ، ماشي انا حوريك
المامور ينادي على العسكري: ياعسكري ياعسكري اسحبلي الغجر دول على البوكس.
فرجاني: يابيه حرام عليك احنا ماعملناش حاجة خالص.
المامور: حنعرف ياخويا عملت ولا ماعملتش ، احنا اللي بنقول مش انت يابن الكلب.
العمدة: ايوه خلصنا منهم الجرابيع دي ياسعادة البيه.
العسكري يسحب الاتنين من قفاهم على البوكس .
المامور: معلش بقى ياعمدة انا مضطر امشي عشان اعرف اوصل قبل المغربية وبعدين بكرة الصبح انا حعرف شغلي مع الصيع دي.
العمدة: توصل بالسلامة ياسعادة البيه ، بس والنبي اول ما العيال دي تتكلم ابقى بلغني على طول عشان اعرف قالوا ايه.
المامور: اكيد ياعمدة اكيد حبلغك.
العمدة : مع الف سلامة ياسعادة البيه.
المامور: مع السلامة ياعمدة .
المامور في المركز تاني يوم الصبح ينادي على الضابط علاء: ياعلاء هاتلي العيليين اللي جبتهم امبارح من الحجز
علاء: تمام يافندم
علاء ينادي على العسكري : ياعسكري هاتلي الجرابيع اللي رمتهم امبارح في الحجز
العسكري: تمام يافندم
العسكري يسحب فرجاني ومدبولي من الحجز ويقف امام الضابط علاء : تمام يافندم الاتنين اللي حضرتك طلبتهم.
علاء: طب روح انت ياعسكري
علاء يسحب الاتنين الي المامور: تمام يافندم الاتنين اللي حضرتك طلبتهم.
المامور: طب سبهم وروح انت شوف شغلك
علاء: تمام يافندم
المامور موجها كلامه الى الجرابيع: انت ياواد انت وهو مش حتتكلموا بالزوق؟
فرجاني ومدبولي في نفس واحد: نتكلم نقول ايه بس ياسعادة الباشا احنا مش عارفين احنا هنا ليه اصلا؟
المامور: ياسلام ، حلوة دي، انتم مش قلتم ان المنتخب العظيم بتاعنا بيكسب بالحظ وان حسن كفتة مدرب مالوش فيها، وان شيكا بيكا الفظيع واد ضايع ومش فاهم حاجة؟
فرجاني: ياسعادة الباشا احنا ماقولناش كده ، احنا كل اللي قلناه ان المنتخب جايب فريق اسمه الخنجروف تعبان اوي عشان يكسبه والناس تفرح، وشيكا بيكا يقعد يلف ويدور في الملعب ومحدش عارف يمسكه عشان اللعيبه اللي قدامه سكه وتعبانة ، وده كده بيخلي الناس حدانا تصدق ان المنتخب بتاعنا جامد مع ان الحقيقة انه مش كده ، والدليل انه لما بيلعب مع منتخب جامد بنحتاس ونقعد نلم الكور من جوه الجون بتاعنا!!
المامور: يخرب بيتك يلا وبيت سنينك انت كمان حتدخل في شغل مش شغلك؟
مدبولي: ازاي بس ياسعادة الباشا ، ماهو لو مش شغلنا يبقى محدش حيتفرج على الكورة خالص ومحدش حيشجع المنتخب ولا حينادي باسم شيكا بيكا ولا حيكون لينا اندية الواحد ممكن يشوفها.
المامور: انت بقيت فيلسوف ياخويا.
فرجاني : الحكاية مش حكاية فلسفة يابيه ، الموضوع ان احنا بنفهم ولينا عقل زي حسن كفتة بالظبط يعني هو مش بيفهم اكتر مننا ولا حاجة ، اما حكاية الاندية اللي المنتخب بيلعب معاها التعبانة دي ، مجرد تمثيلية عشان الناس تتلهى فيها ومحدش يبص على اكل عيشه ولا العيشة اللي احنا عايشنها.
المامور: يخرب بيتك انت وهو، انتوا حتروحوا جهنم على الكلام اللي انتوا بتقولوه ده ، ده ممكن تتعدمم.
فرجاني: ليه بس يابيه احنا غلابة وملناش فيها.
المامور: دلوقت بقيتوا غلابة؟ طب حتشوف منك له.
المامور يكلم مدير الامن في التليفون: ايوه يافندم احنا قبضنا على اتنين بيقولوا ان المنتخب بتاعنا ده سكة وان حسن كفتة المدرب العظيم مالوش فيها وبطيخة وان الواد شسكا بيكا ده ضايع ويروح يلعب في مناخيره احسن.
مدير الامن: ازاي الكلام ده ، ازاي، ابعتلي الاتنين دول عشان اعلقهم من .....
المامور: تمام يافندم حيكونوا عندك حالا.
مدير الامن يكلم الوزير: تمام يافندم ، احنا قبضنا على اتنين مخبولين دايرين في البلد يلسنوا بالكلام على المنتخب بتاعنا والمدرب العظيم حسن كفتة كمان، ومش كده وبس ده كمان بيلسنوا بالكلام على تميمة الحظ بتاعتنا ، شيكا بيكا.
الزير: احا ، ازاي يقولوا الكلام ده ، ابعتلي ولا الوسخة دول.
مدير الامن : تمام سيادتك.
المذيع في التليفزيون : وقد تم القبض على المسجل شقي خطر فرجاني ومساعده الاوحد مدبولي وتحريز الاوراق التي تحض على قلب نظام الحكم ، وقد ارسلت اوراقهم الى فضيلة المفتى لابداء راي فضيلته في هذه القضية ، والله الموفق.
العمدة: شوفت ياواد ياحسانين ، ماجابوش اسمي في التلافزيون وماقالوش ان احنا اللي قبضنا عليهم.
حسانين : ولا يهمك يابا العمدة ، ارمي ورا ضهرك ، انت الخير والبركة برضه .
العمدة: يلا ، اهو الواحد يعمل الخير ويرميه في البحر . اقولك ، اوم روح ياواد ياحسانين عشان انا تعبان.
حسانين: اجيلك بكرة يابا العمدة؟
العمدة: لما حعوزك حندهلك ، يلا مع السلامة
حسانين: مع السلامة يابا العمدة.
تمت
تعليقات
إرسال تعليق